Meksıkanyń Verakrýz shtatynda ishinde 280 mıgrant otyrǵan júk kóligi tabyldy. Boljam boıynsha zańsyz kirmeler kólik synyp qalǵandyqtan, jol boıynda qaraýsyz qalǵan, dep jazady Egemen.kz «Habar 24» arnasyna silteme jasap.
Polısııa qyzmetkerleri olardyń Nıkaragýa, Salvador, Kýba, Ekvador, Gvatemala men Gondýrastan kelgenin habarlaıdy.
Arasynda 18 adam áli kámelet jasqa tolmaǵan. Keıbireýleri dárigerlerdiń kómegine júgindi. Tártip saqshylary kirmelerdiń qujattary anyqtalmaıynsha qamaýda otyratynyn habarlaıdy.
«Júrgizýshi kólikke arnalǵan qosalqy bólshekterdi izdep tabý úshin temir tulparyn tastap ketken bolar. Syrtta júrgen turǵyndar qamalyp qalǵandardyń qatty aıǵaıynan estip qalǵan. Kún bolsa ysyp tur. Adamdar der kezinde tabylmasa, aǵzanyń sýsyzdanýynan birazy kóz jumar edi», deıdi Qyzyl kres uıymynyń qyzmetkeri Horhe Garsıa.