Máni zor sheshim

Sondyqtan barlyq qazaqs­tandyqtar referendýmǵa bel­sendi qatysýy kerek. Men de áriptesterimmen birge Mem­leket basshysynyń bastamasyn tolyq qoldaımyn. Ári Májilistiń Agrarlyq máseleler komıtetiniń múshesi retinde Prezıdenttiń qoǵam men memleket úshin asa mańyzdy sanalatyn jerge ıelik etý máselesin sheshý qajettigine arnaıy toq­talyp, «Jerdiń jáne tabıǵı resýrstardyń ıesi halyq» degen normany Konstıtýsııada birjola bekitýi búgin ǵana bas­talǵan is emes ekenin aıtqym keledi. Sebebi bul baǵytta el Prezıdenti júıeli jumys istep keledi. Máselen, ótken jyly Parlamentte «Jer kodeksi» zań jobasyna ózgerister men tolyqtyrýlar engizilip, Prezıdent jerdi sheteldik azamattarǵa satýǵa jáne jalǵa berýge tyıym salǵan sheshim qabyldaǵany barshaǵa málim. Endi mine, «jerdiń jáne tabıǵı resýrstardyń ıesi – halyq» degen normany Konstıtýsııaǵa kirgizip, halyq ıgiligi úshin jer máselesin Ata Zańmen bekitip jatyr. Munyń bári Memleket basshysynyń mańyzdy máse­lelerde júıeli baǵytty ustanyp kele jatqanynyń bir dáleli. Jer – ata-babadan kele jatqan mura. Biz de óz kezegimizde jerdi, jer qoınaýlary men tabıǵı resýrstardy uqypty paıdalanyp, keler urpaqqa amanat etýimiz kerek. Bul Jańa ári Ádiletti Qazaqstannyń basty ustanymyna aınalýǵa tıis.

Saıası qadam ishinde qol­daýǵa turatyn ózgeristiń biri – Pre­zıdenttiń saıası beı­ta­rap­tylyǵynyń zań júzinde bekitilýi. Eger Mem­leket basshysy eshbir saıası partııanyń múshesi bolmasa demokratııalyq qoǵamda kóp partııa júıesi damıdy. О́z kezinde bul saılaý júıesin ózgertýge yqpal etedi. Ár adam óz bolashaǵyn aıqyndaıdy, kózqarasyn bil­diredi. Nátı­jesinde, saılaýǵa kópshilik belsendi qatysyp, saılaý adal ótedi. Osyndaı fýnksııa­lar arqyly halyq pen bıliktiń arasy jaqyndaı túsedi. Zaman talabyna saı qolǵa alynǵan reforma saıası júıeniń túlep, qýattana túsýine jol asha­dy. Jalpy, memlekettik bas­qarýdyń tıimdiligi artady.

Amanǵalı BERDALIN,

Májilis depýtaty