Shymkent qalalyq perınataldyq ortalyǵynda úshem dúnıege keldi. Bul týraly Shymkent qalalyq ákimdiginiń baspasóz qyzmeti málim etti, dep habarlaıdy Egemen.kz.
Úshem 24 sáýir kúni dúnıege kelgen. Dárigerler Gúlmıra Iýsýpovaǵa júktiliktiń 35-shi aptasynda ota jasap, kesir tiligi arqyly bosandyryp alǵan. Búgin qalalyq perınataldyq ortalyq ujymynyń dárigerleri úsh sábı men anasyn perzenthanadan shyǵaryp saldy.
Mamandardyń aıtýynsha Aısultan, Álııa jáne Sáfııa esimdi sábılerdiń qazirgi jaǵdaıy qalypty. Balalardyń salmaǵy 2000-2470 gramm aralyǵynda bolsa, boıy 40-42 santımerden.
Perzenthanada 3 aptaǵa jýyq ýaqyt bolǵan náresteler salmaq qosyp, densaýlyǵy jaqsarǵan. 33 jasynda úshem bosanǵan qala turǵyny Gúlmıra Iýsýpova birden segiz balanyń anasy atandy. Ol óziniń júkti ekenin bilgende birden eki qyz ben uldy dúnıege ákeletinin bilmegenin aıtady.
Jyl basynan beri Shymkentte 10 649 sábı dúnıe esigin ashqan. Onyń 5165-i qyz bolsa, 5484-i ul bala.