О́zbekstan tótenshe jaǵdaılar mınıstriniń orynbasary Azızbek Latıfjonov bastaǵan jedel top kolonnamen jolǵa shyqty. Olar Jambyl oblysy Jýaly aýdanynan 8 jedel medısınalyq járdem kóligi jáne 1 «Vanholl» markaly jolaýshylar avtobýsymen attandy, dep habarlaıdy Egemen.kz QR TJM baspasóz qyzmetine silteme jasap.
Mınıstrliktiń habarlaýynsha, avtokólikterde zardap shekken 13, ýaqytsha ornalastyrý pýnktindegi 7 adam men 2 qaza tapqan adamnyń denesi bar.
О́zbekstan TJM orynbasary Jambyl oblysyndaǵy áriptesterine jáne óz otandastaryn qutqarýǵa jumyldyrylǵan barlyq qyzmetkerlerge alǵysyn bildirdi.
14 mamyr saǵat 7:15-te kolonna Qazaqstan Respýblıkasynyń shekarasynan ótti. 1980 jáne 1965 jyldary týǵan О́zbekstannyń eki azamaty Jýaly aýdany aýrýhanasynyń jansaqtaý bóliminde jatyr.
Esterińizge salaıyq, 12 mamyr kúni saǵat 15:46-da Jambyl oblysynyń Jýaly aýdanynda «Almaty-Tashkent» avtojolynyń 571 shaqyrymynda jol-kólik oqıǵasy bolǵan edi.