Almaty qalasynyń Tótenshe jaǵdaılar departamenti qalada 31 mamyr men 2 maýsym aralyǵynda qatty jańbyr jaýady dep eskertti, dep habarlaıdy Egemen.kz.
«Nóserli jaýyn-shashyn boljamyna baılanysty 31 mamyr men 2 maýsym aralyǵynda Almatynyń taýly aımaqtarynda aǵyndy sýlardyń paıda bolýy jáne ózenderdegi sý deńgeıiniń kóterilýi kútiledi», dep málimdedi Almaty qalasynyń Tótenshe jaǵdaılar departamenti.
Qalalyq TJD mynalardy usynady:
avtokólikterdi aǵashtardyń astynda qaldyrmańyz;
buqaralyq aqparat quraldarynyń, teledıdardyń, radıonyń «112» dabyldary men habarlamalarynyń sıgnaldaryn qadaǵalaý.
Kishi jáne Úlken Almaty, Aqsaı, Qarǵaly basseınderindegi ózenderdegi «Kazselezashıta» baqylaý beketteriniń málimetinshe, jaǵdaı turaqty.
Sondaı-aq qala turǵyndaryna taýǵa barýdan bas tartýǵa keńes berildi.