Samat Ǵılymov «Qazaqavtojol» JShS bas dırektory bolyp taǵaıyndaldy, dep habarlaıdy Egemen.kz kompanııanyń baspasóz qyzmetine silteme jasap.
Samat Qýanyshuly eńbek jolyn Qosshaǵyl Gýrev oblysy sovhozynyń qarapaıym slesariniń qyzmetinen bastaǵan.
Ár jyldary óndiristik jáne memlekettik salada basqarýshy qyzmetterdi atqardy, sonyń ishinde Qazaqstan Respýblıkasynyń salyq polısııasynyń organdarynda qyzmet, «Qazmunaıgaz» Barlaý О́ndirý» AQ-nyń «Embimunaıgaz» fılıalynyń apparat basshysy-dırektor orynbasary, Aqtóbe oblysy ákiminiń orynbasary, Qazaqstan Respýblıkasy Kólik jáne kommýnıkasııa mınıstrliginde Kóliktik baqylaý komıtetiniń Atyraý oblysy boıynsha: ınspeksııanyń basshysy, «Kaspıı» aýdanaralyq kóliktik baqylaý ınspeksııasynyń bastyǵy jáne Kóliktik baqylaý komıtetiniń basshysy, Qazaqstan Respýblıkasy Investısııalar jáne damý mınıstrligi Kólik komıtetiniń tóraǵasynyń orynbasary qyzmetterinde boldy.
Qazirgi ýaqytqa deıin Qazaqstan Respýblıkasy Indýstrııa jáne ınfraqurylymdyq damý mınıstrligi Kólik komıtetiniń tóraǵasy qyzmetin atqardy.
Aıana Toǵanbek