Parlament Senatynyń tóraǵasy Máýlen Áshimbaev tańǵy saǵat 09:00-de respýblıkalyq referendýmda daýys berdi, dep habarlaıdy Egemen.kz.
Senat Tóraǵasy óz daýysyn QR Ulttyq kitaphanasynyń ǵımaratynda ornalasqan №111 saılaý ýchaskesinde berdi. Munda buǵan deıin Premer-Mınıstr Álıhan Smaıylov pen Prezıdent Ákimshiligi Basshysynyń orynbasary Aıda Balaeva daýys bergen bolatyn.
Ortalyq referendým komıssııasy tańǵy saǵat 8.00-de Qazaqstannyń 9 947 ýchaskesi, sondaı-aq Qazaqstannyń 19 shet memlekettegi dıplomatııalyq ókildikteri janyndaǵy 17 ýchaske daýys berýge kiriskenin habarlady. Osylaısha daýys berý referendýmnyń 9964 ýchaskesinde ótedi.
Saılaý ýchaskeleri 7:00-den 20:00-ge deıin jumys isteıdi. 11 mıllıonnan astam qazaqstandyq saılaý ýchaskelerine kele alady, 11 myńnan astam otandasymyz shetelde daýys berýge quqyly.
Aıana Toǵanbek