Prezıdent Qasym-Jomart Toqaevtyń Jarlyǵymen búginnen bastap qurylǵan Abaı oblysynyń máslıhat hatshysy saılandy, dep habarlaıdy Egemen.kz.
Qazir Semeı qalasynda Abaı oblystyq máslıhatynyń alǵashqy sessııasy ótip jatyr. Onda depýtattar oblystyq máslıhatynyń hatshysyn saılady.
Depýtattardyń sheshimimen hatshylyq qyzmetti Qýanysh Súleımenov atqarady. Qýanysh Serqazyuly 1973 jyly burynǵy Semeı oblysynyń Shar qalasynda týǵan.
Semeı memlekettik ýnıversıtetiniń tarıh fakýltetin bitirdi. Oqýyn Qazaq memlekettik zańgerlik akademııada, Semeı qalasyndaǵy Shákárim atyndaǵy memlekettik ýnıversıtette «Mal sharýashylyǵy ónimderin óndirý tehnologııasy» mamandyǵy boıynsha jalǵastyryp, aýylsharýashylyq ǵylymdarynyń magıstri atanǵan.
Osy ýaqytqa deıin «Shalabaı» JShS bas dırektory qyzmetin atqardy.