QR Prezıdenti Qasym-Jomart Toqaev «Rossııa-24» telearnasyna bergen suhbatynda Reseıge qarsy sanksııalardyń Qazaqstanǵa áseri týraly aıtty, dep habarlaıdy Egemen.kz.
Qasym-Jomart Toqaev Reseı jáne Qazaqstan arasyndaǵy ekonomıkalyq yntymaqtastyqqa baılanysty barlyq ýaǵdalastyqtar óz kúshinde qalatynyn atap ótti.
«Biz ortaq jumysty jalǵastyramyz. Qazaqstan eshqandaı jaǵdaıda óziniń odaqtastyq mindettemelerinen bas tartpaıdy. Bul perspektıva turǵysynan durys emes jáne negizsiz bolar edi. О́ıtkeni Reseı qazirgi qıyndyqtardy jeńe alatynyna senimdimin. Bul úlken el, ekonomıkalyq áleýeti de jetkilikti. О́tken tájirıbe kórsetkendeı, Reseı tótenshe jaǵdaılarda óte jaqsy jumys isteıdi. Sondyqtan munda eshqandaı kúmán joq. Biraq sanksııa máselesi de bar. Biz olardy aınalyp óte almaımyz. Sanksııalar buzylǵan jaǵdaıda, bizdiń ekonomıkamyzǵa qatysty Batystyń «qaıtalama sanksııalary» engizilýi múmkin», dedi Qazaqstan Prezıdenti Qasym-Jomart Toqaev.
Memleket basshysy sanksııalardy buzbaı, qajetti ýaǵdalastyqtarǵa qol jetkizý úshin Qazaqstan Reseı úkimetimen jumys júrgizip jatqanyn aıtty.
«Osy nemese basqa jaǵdaıdy qalaı sheshýge bolatyndyǵyn túsiný úshin ýaqytty qajet etetin kúrdeli suraqtar bar. Jaǵdaı erekshe. Biz dál osy jaǵdaıda ómir súremiz dep eshkim kútpedi. Biraq jaǵdaı shynaıy. Sondyqtan biz osy shyndyqtan týyndaıtyn máselelerdi sheshýimiz kerek», dedi Prezıdent.