Prezıdent Qasym-Jomart Toqaev Qazaqstannyń akademııalyq úlgidegi jańa tarıhyn jazýda shetel ǵalymdaryn da jumyldyrýǵa bolatynyn aıtty, dep habarlaıdy Egemen.kz.
«Men byltyr elimizdiń akademııalyq úlgidegi jańa tarıhyn jazý týraly tapsyrma berdim. Qazir Qazaqstan tarıhynyń kóp tomdyǵy ázirlenip jatyr. Belgili ǵalymdarymyz jumylyp, osy mańyzdy iske atsalysýda. Men ózim de bul jumysqa úlesimdi qosamyn. Ony kelesi jyldyń ortasynda túbegeıli aıaqtaý kerek», dedi Memleket basshysy.
Degenmen, Prezıdent másele ýaqytta emes, sapada degendi aıryqsha atap ótti.
«Tarıhymyz júıeli, shynaıy, eń bastysy, táýelsiz eldiń kózqarasymen jazylýy kerek. Ǵylym jáne joǵary bilim mınıstrligine muny aıryqsha qadaǵalaýdy tapsyramyn. Qajet bolsa, shetel ǵalymdaryn da tartýǵa bolady», dedi Qasym-Jomart Kemeluly.