Qala ákimi Altaı Kólginov Ortalyq kommýnıkasııalar qyzmetinde ótken brıfıngte bıyl qala kúnine oraı nege otshashý bolmaǵanyn túsindirdi, dep habarlaıdy Egemen.kz.
«Biz otshashýdy josparladyq, biraq aýa raıy qolaısyz boldy. Sol sebepti biz táýekelge barmadyq. О́zderińiz de baıqap otyrǵandaryńyzdaı, otshashýdy iske qosý qaýipsizdik talaptaryna sáıkes kelmedi», dedi ákim.
Onyń aıtýynsha, qala kúnin atap ótýge 200 mln teńge bólingen, bul 2019 jylǵa qaraǵanda bes ese az.
«Bıyl 2019 jylmen salystyrǵanda bes ese az qarajat jumsadyq. Biz júzden astam is-shara uıymdastyrdyq, olarǵa 120 myńnan astam qala turǵyny qatysty. Barlyǵy 200 mln teńge jumsaldy. Mysaly, «Astana Arenada» Open Air konsertine 27 myń adam keldi. Bul tegin konsert boldy. Biraq, árıne, biz oǵan aqsha jumsadyq. Aqyly eki-úsh konsert boldy, ol kınokonsert zalynda boldy. Bıletterdi adamdar satyp aldy. Qalǵany tegin boldy. Biz qalalyqtardyń merekelik atmosferany sezinýin qaladyq», dedi Altaı Kólginov.