Jańaózen qalasyndaǵy múmkindigi shekteýli jandar úshin jańa ınvataksı paıdalanýǵa berildi, dep habarlaıdy Egemen.kz.
«Invataksı kóligin qoldanysqa berý «Amanat» partııasynyń saılaýaldy baǵdarlamasynyń 91-93 tarmaqtary boıynsha júzege asyp otyr. Ol 2014 jyldan beri múmkindigi shekteýli azamattardyń tapsyrysyna sáıkes qyzmet kórsetedi», deıdi Jańaózen qalalyq jumyspen qamtý jáne áleýmettik baǵdarlamalar bóliminiń basshysy Ulbazar Orynbaeva.
Qazirgi tańda Jańaózen qalasy men oǵan irgeles eldi mekenderde 5000-ǵa jýyq múmkindigi shekteýli azamat bar. Onyń 497-si ınvataksı qyzmetin qajet etedi.
Zamanaýı, sońǵy úlgide jabdyqtalǵan kólik múgedekterdiń suranystaryna oraı, qala ishinde jáne qalaaralyq baǵyttarda tasymaldaý qyzmetterin atqarady.
Aıana Toǵanbek