Bul týraly Belarýs Syrtqy ister mınıstrligi habarlady, dep jazady Egemen.kz.
Belarýs Syrtqy ister mınıstrligi Ulybrıtanııadaǵy elshisin keri shaqyryp alyp, Londondaǵy Belarýs dıplomatııalyq mıssııasynyń deńgeıin ýaqytsha senimdi ókilge deıin tómendetý týraly sheshim qabyldady.
Sondaı-aq habaralamada «halqymyzǵa, kásiporyndardyń qyzmetkerlerine, Belarýs ekonomıkasy men qarjy júıesine qarsy buryn-sońdy bolmaǵan sanksııalardy engizý, belarýs jýrnalısteri men buqaralyq aqparat quraldarynyń jumysyn shekteý, Belavııa áýe kompanııasynyń ushýyna negizsiz tyıym salý, erikti EQYU Parlamenttik Assambleıasynyń otyrysyna Belarýs parlamentshilerine vıza berýden bas tartý jáne osy kezeńde basqa da zańsyz shekteý sharalary tolyqqandy dıalogqa múmkindik bermeıdi» degen joldar bar.
«Biz bul elge qarsy eshqandaı qadam jasaǵan joqpyz jáne burynǵydaı ózara syılastyqqa negizdelgen syndarly dıalogty jaqtaımyz. Aǵymdaǵy ishki saıası shoý aıaqtalyp, Ulybrıtanııa úkimetinde ózderiniń jeke reıtıngi úshin emes, Ulybrıtanııa halqynyń ıgiligi men Eýropa aımaǵyndaǵy turaqtylyq múddesi úshin jumys isteıtin jaýapty saıasatkerler paıda bolǵannan keıin, dıalogty qalpyna keltirýdi jáne tolyqqandy dıplomatııalyq qatynastardy jalǵastyramyz», dedi SIM.