Qazaqstandyq Jánibek Álimhanuly kezekti ret shýly málimdeme jasady, dep habarlaıdy Egemen.kz.
Ol áleýmettik jelige arnaıy jazba qaldyryp, qos tujyrymdaǵy álem chempıondaryn jekpe-jekke shaqyrdy.
Ásirese, WBO beldiginiń ıegeri Demetrıýs Andradege qashpaýǵa keńes berdi. Jýyrda Búkilálemdik boks uıymy resmı túrde amerıkalyq bylǵary qolǵap sheberine orta salmaqtaǵy belbeýin qorǵaýdy buıyrǵan edi. Eger ol bas tartsa, Jánibek avtomatty túrde «ýaqytsha» álem chempıony ataǵynan «tolyqqandy» chempıon dárejesine ótedi. Dese de ol kezdesýsiz chempıon bolý jaqsy, al, chempıondy nokaýtqa jiberý odan da jaqsy degen ustanymyn baıqatty.
Aıta keteıik, qazaqstandyq boksshy buǵan deıin mamyr aıynda judyryqtasty. Ol AQSh tórinde brıtandyq Dennı Dıgnýmmen kezdesip, ekinshi raýndta nokaýtpen utty. Osynyń arqasynda kásipqoı bokstaǵy kórsetkishin 12 jeńiske jetkizdi.