Májilis depýtattary, Amanat partııasynyń músheleri Sálimjan Naqpaev pen Nurlybek Ojaev Atyraý oblysyna saparlary barysynda «Embimunaıgaz» eńbek ujymymen kezdesti.
Munaı salasy Atyraý oblysy úshin úlken mánge ıe. Sondyqtan májilismender Parlamentte atqarylǵan jumystar týraly, munaı salasyna qatysty jalpy jumystardyń baǵytymen tanysty.
Májilistiń baspasóz qyzmetiniń habarlaýynsha, jıynda Atyraý oblysy úshin mańyzdy taqyryptyń birine aınalǵan Atyraý-Astrahan tas jolyndaǵy kúrdeli jóndeý jumystary týraly máseleler kóterildi. О́ńirdegi Inder-Qarabaý tas jolynyń da turǵyndar úshin mańyzy zor.
«Bul joldardaǵy jóndeý jumystary jospar boıynsha birneshe jylǵa sozylady. Ol bar bolǵany 80 shaqyrym. Bıyl qarjy bólip, qalǵanyn kelesi jylǵa qaldyryp, ýaqyt sozyp júrgende jasalǵan jol tozyp ketýi múmkin», dedi S.Naqpaev. Sondyqtan depýtat áleýmettik mańyzy bar máselelerdiń oryndalý barysy úlken mánge ıe ekenine toqtaldy. Otyrysta ekologııalyq ahýal máselesi de talqylandy.
Al Májilis depýtaty Názılá Razzaq Jambyl oblysynyń Sarykemer aýylyndaǵy aýyz sý qubyrynyń qurylysymen tanysyp, qubyr jelilerin jáne sý qabyldaý ǵımarattarynyń qurylysyn júrgizgen «Intellekt Azııa» ujym ókilderimen kezdesti.
Aıta ketý kerek, sý qubyry Amanat partııasynyń 2021-2025 jyldarǵa arnalǵan saılaýaldy baǵdarlamany iske asyrý jónindegi Jol kartasy aıasynda paıdalanýǵa berilip otyr. «Memleket basshysy qoǵamdy tolǵandyrǵan áleýmettik-ekonomıkalyq problemalardy sheshý jónindegi birqatar mindetti atap ótken bolatyn. Onyń ishinde baǵanyń ósýi, taýarlardyń jekelegen túrlerin jetkizýdegi bógelister, azyq-túlik qaýipsizdigi, halyq tabysynyń tómendeýi, sondaı-aq eldi mekenderdi taza aýyz sýmen qamtamasyz etý syndy máseleler bar», dedi Májilis depýtaty.
«Aýdan ortalyǵy sanalatyn Sarykemer aýylynyń ózinde qazirgi kezde 30 myńnan astam halyq turady. О́tken jyldyń jeltoqsan aıynda úsh jyl merzimge sozylǵan sý qabyldaý nysany jáne sý qubyry jelileriniń qurylysy aıaqtalyp, Sarykemer aýyldyq okrýgi turǵyndarynyń ıgiligine usynyldy. Biraq aýyz sý máselesi osymen sheshildi jáne de óz dárejesinde deı almaımyz», deıdi aýyl turǵyndary.
О́z kezeginde depýtat atalǵan máseleler jergilikti atqarýshy, qadaǵalaýshy memlekettik organdar men depýtattar tarapynan da erekshe nazarynda bolatynyn aıtty.