Zańsyz bulan atqan kúdiktini polıseıler Jelezın aýdanynyń tas jolynda ustady. Odan bulannyń eti, basy, múıizi jáne patrondary bar eki myltyq tárkilendi, dep habarlaıdy Egemen.kz.
«Zańsyz tasymaldaýshy» jedel-profılaktıkalyq is-sharasy barysynda Jelezın PB ýchaskelik ınspektorlarymen Lesnoe-Kýzmıno tas jolynda, Razdelnoe aýylynyń mańynda patrýldeý barysynda turǵynnyń «VAZ 2113» markaly avtokóligi anyqtaldy. Kóliktiń bagaj bóligin teksergen kezde bulan múıizderi, basy men eti tárkilendi», dedi Pavlodar oblystyq polısııa departamentiniń baspasóz qyzmeti.
Sondaı-aq tártip saqshylary IJ-13, IJ-27 E markaly qos aýyzdy ańshy myltyqtary men patrondaryn tárkiledi.
«Sonymen qatar, aýyl turǵynynyń janýardyń bul túrin aýlaýǵa ruqsaty bolmaǵan. Zańsyz ańshylyq faktisi boıynsha QR Qylmystyq kodeksiniń 337-baby boıynsha sotqa deıingi tergeý amaldary júrgizilýde», dep habarlady vedomstvodan.
Quqyq qorǵaý organdary saraptama taǵaıyndady. Kólik mamandandyrylǵan ýaqytsha ustaý ızolıatoryna qoıyldy.