Azııadaǵy ózara is-qımyl jáne senim sharalary jónindegi keńestiń aldaǵy sammıtinde AО́SShK-ni halyqaralyq uıymǵa aınaldyrý máselesi qaralady. Bul týraly AО́SShK Hatshylyǵynyń Atqarýshy dırektory Qaırat Sarybaı habarlady, dep jazady Egemen.kz.
«12-13 qazanda Astana 27 qatysýshy eldiń memleket jáne úkimet basshylaryn qabyldaıdy. Munda olar AО́SShK-tiń tolyqqandy halyqaralyq óńirlik uıymǵa transformasııasyn iske qosady. Biz mundaı erik-jigerdiń júzege asatynyna óte qýanyshtymyz. Árıne, transformasııa qalaı júzege asyrylatyny týraly ártúrli kózqarastar bar. Kez kelgen transformasııa sammıtte jasalatyn alǵashqy qadamnan bastalýy tıis», dedi Qaırat Sarybaı elordada ótip jatqan «Zańsyz kóshi-qon men adam kontrabandasynyń aldyn alý úshin qujattardy qoldan jasaýmen kúres» semınary barysynda.
Aıta ketsek, bıyl Azııadaǵy ózara is-qımyl jáne senim sharalary jónindegi keńes óziniń 30 jyldyǵyn atap ótýde. 1992 jyly Qazaqstan bastamashylyq etken AО́SShK qazirgi ýaqytta 27 múshe memleketti biriktirip, álemdik IJО́-niń úshten ekisin generasııalaı otyryp, Azııa aýmaǵynyń 90%-dan astamyn qamtıdy.