Bul týraly Memleket basshysy Qasym-Jomart Toqaev Abaı oblysynyń jurtshylyǵymen kezdesýinde aıtty, dep habarlaıdy Egemen.kz.
«Semeı ótken ǵasyrdyń basynda qazaqtyń rýhanı astanasy sanalǵan. Abaı bastap, Alash arystary jalǵaǵan uly jol ultymyzdy eseıtip, múlde jańa deńgeıge kóterdi. Olar qazaqtyń bolashaǵy qandaı bolýy kerektigin aıqyndap berdi.Biz alyptarymyzdyń irgeli ıdeıalaryn ustana otyryp, ulttyq jańǵyrýdyń jańa belesine qadam basýymyz kerek», dedi Q.Toqaev.
Budan soń, ol Abaı atap kórsetken bes asyl qasıet bizdiń búgingi maqsatymyzben tolyq úndesetinin aıtty.
«Uly Abaı «Tolyq adam» degen uǵymdy qazaq qoǵamyna usynǵan edi. Tolyq adam, menińshe, bul – bolmysy kemel, kózqarasy tereń, kókiregi oıaý, eńbekshil adam degen sóz. О́zderińizge málim, men qoǵamda jańa qundylyqtar ornyqtyrý qajettigi jóninde únemi aıtyp júremin», dedi Prezıdent.