Belgııanyń Lej provınsııasyndaǵy «Tıanj-3» atom reaktory jospardan tys óshirildi. Belgııa bıligi eldiń elektrmen jabdyqtalýyna qaýip tónbeıtinin habarlady, dep jazady Egemen.kz.
Qazir «Tıanj-3» atom reaktory jumys istemeıdi. Atom elektr stansııasyn basqaratyn «Engie» elektr energııasyn óndiretin kompanııa reaktor jumysy dúısenbi kúni toqtatylǵanyn habarlady.
Operatordyń málimdemesinde «qyzmetkerler reaktordy qaýipsiz kúıge keltire aldy» delingen. Qazirgi ýaqytta «Engie Electrabel» reaktordyń isten shyǵýyn zerttep jatyr.
Belgııada jumys istep turǵan taǵy 5 ıadrolyq reaktor bar. Mamandardyń aıtýynsha, «Tıanj-3» reaktoryndaǵy problemalar elektrmen jabdyqtaýǵa áser etpeıdi.