Qytaıdyń Chendý qalasynda ótip jatqan ústel tennısinen komandalyq álem chempıonatynda Qazaqstan quramasy toptan shyǵa almady.
Sońǵy týrda Úndistan quramasymen oınaǵan jerlesterimiz 2:3 esebimen jeńilip qaldy. Eki el arasyndaǵy tartysty básekede Kırıll Gerasımenko eki matchta qarsylasynan basym tússe, Denıs Jolýdev (eki márte) pen Alan Qurmanǵalıev úndistandyq sportshylarǵa jol berdi.
Úndistan quramasy osy jeńisinen keıin ekinshi topta kósh bastap, pleı-off kezeńine joldama aldy. Al toptyq kezeńde tek О́zbekstan quramasyn ǵana jeńip, Fransııa men Germanııadan jeńilgen Qazaqstan óz tobynda 4-orynǵa turaqtady. Dese de, bıyl ulttyq qurama alǵash ret tańdaýly 32 eldiń qataryna qosyldy.