Búgin Aqparat jáne qoǵamdyq damý mınıstri Darhan Qydyráli Eýropadaǵy qaýipsizdik jáne yntymaqtastyq uıymynyń BAQ bostandyǵy jónindegi ókili Tereza Rıbeıromen onlaın formatta kezdesti, dep habarlaıdy Egemen.kz.
Mınıstr Rıbeıro hanymǵa Memleket basshysy Qasym-Jomart Toqaev Qazaqstanda júrgizip otyrǵan reformalar, otandyq medıa salasynyń damýy, jýrnalısterdiń quqyǵyn qorǵaý jáne mártebesin kóterý, sonymen qatar aqparatqa qol jetkizýdi jeńildetý baǵytynda atqarylǵan jumystar jóninde aıtty.
Tereza Rıbeıro el Prezıdentiniń Qazaqstandaǵy reformalarynda aqparat quraldaryn damytýǵa nazar aýdarylǵanyna toqtalyp, medıa zańnama jobasyna qatysty birlese jumys isteýge nıetti ekenin aıtty.
Kezdesýdi qorytyndylaı kele, Darhan Qýandyquly Rıbeıro hanymdy jýyrda elordada ótetin Astana Media Week is-sharasyna shaqyrdy.