Germanııanyń Maındaǵy Frankfýrt qalasynda fýtboldan 2024 jylǵy Eýropa chempıonaty irikteý kezeńiniń jerebesi tartyldy. Bıyl Ulttar lıgasy týrnırinde táýir oıynymen jankúıerlerdiń qoshemetine ıe bolǵan Qazaqstan ulttyq quramasy «H» tobynda Danııa, Fınlıandııa, Slovenııa, Soltústik Irlandııa jáne San-Marınomen Eýropa chempıonatynyń joldamasyn sarapqa salady. Eki jyldan keıin jalaýy jelbireıtin Kári qurlyq birinshiligin Germanııa qabyldaıdy.
Jerebe tańdap bergen joǵarydaǵy bes qarsylastyń úsheýimen Qazaqstan fýtbolshylary buǵan deıin túrli deńgeıdegi týrnırlerde birneshe ret kezdeskenin jankúıerler jaqsy biledi. Bul jolǵy irikteýde Soltústik Irlandııa jáne Slovenııa quramalary biz úshin jańa qarsylas bolmaq. Degenmen Qazaqstannyń 19 jasqa deıingi quramasy byltyr Eýropa chempıonatynyń irikteý kezeńinde Soltústik Irlandııa fýtbolshylarymen bir topta óner kórsetken. О́kinishke qaraı, eki oıynda da jerlesterimiz 1:2 jáne 1:3 esebimen jeńilip qalǵan edi. Bálkim, eresekter quramamyz inileriniń esesin qaıtaryp qalar.
Mamandar tarapynan «N» tobynyń kóshbasshysy dep baǵalanyp jatqan Danııamen Qazaqstan quramasy osymen úshinshi márte bir topta oınaǵaly tur. Alǵash ret 2006 jylǵy álem chempıonatynyń irikteýinde eki quramanyń joldary túıisip, eki matchta da Danııa fýtbolshylary jeńiske jetken bolatyn. Kopengagende alań ıeleri 3:0 esebimen basym tússe, Almatydaǵy matchta jerlesterimiz 1:2 esebimen jol berdi. Araǵa 11 jyl salyp eki qurama 2018 jyly Reseıde ótken álem chempıonatynyń irikteýinde taǵy kezdesti. Bul jolǵy oıyndarda da Danııa quramasynyń mereıi ústem boldy – 4:1, 3:1.
1992 jyly Eýropa chempıony atanǵan Danııa qazirgi tańda FIFA reıtınginde 10-orynda tur. Quramany jergilikti maman Kasper Iýlmann 2020 jyldan beri jattyqtyryp keledi.
Fınlıandııa fýtbolshylarymen de «ara qatynasymyz» jaqsy emes. Sebebi buǵan deıin Sýomı eliniń ókilderimen bizdiń qurama álem jáne Eýropa chempıonattarynyń toptyq kezeńderinde tórt márte kezdesip, barlyǵynda jeńilip qalǵan. Tek 2006 jyly uıymdastyrylǵan bir ǵana joldastyq kezdesýde quramalar teń tarqasqan. Fınlıandııa qazirgi kezde álemdik reıtıngte 56-orynda tur. Jýyrda ǵana máresine jetken Ulttar lıgasynda olar «V» dıvızıonynda Bosnııany alǵa jiberip, óz tobynda ekinshi orynǵa taban tiregen bolatyn.
«N» tobynyń aýtsaıderi retinde aıtylyp jatqan San-Marıno quramasymen de buǵan deıin toptyq kezeńde oınaǵanbyz. 2020 jylǵy Eýropa chempıonatynyń irikteýinde bizdiń jigitter eki matchta da iri eseppen jeńiske jetken. Astanada ótken alǵashqy oıynda jerlesterimiz qarsylas quramanyń qaqpasyna jaýapsyz tórt gol soqqan bolsa, San-Marınodaǵy qarymta kezdesýde 3:1 esebimen tize búktirgen edi.
Frankfýrttegi jerebe tartý rásimine arnaıy barǵan Qazaqstan ulttyq quramasynyń bas jattyqtyrýshysy Magomed Adıev QFF baspasóz qyzmetine suhbat berip, Eýro-2024 irikteý kezeńiniń jerebesine qatysty óz pikirin ortaǵa saldy.
– Qarsylastardy qıyn dep aıtýǵa bolady. Búgingi tańda ońaı qarsylas joq. О́te myqty topqa tústik dep oılaımyn. О́ıtkeni naqty kóshbasshy qurama joq. Degenmen Danııa fýtboly qazir damýdyń dańǵyl jolyna shyqty. Olardyń jas oıynshylarynyń deńgeıi óte joǵary. Dat fýtbolshylary toptyń favorıti bolady dep oılaımyn. Qarsylastar týraly málimetterdi birtindep jınaı bastaımyz. Bizdi alda qıyn ári qyzyqty oıyndar kútip tur. Básekege tótep berýge tyrysamyz, – deıdi M.Adıev.
Germanııa osymen ekinshi ret Eýropa chempıonatyn óz elinde qabyldamaq. Matchtar 2024 jyldyń 14 maýsymy men 14 shildesi aralyǵynda Berlın, Keln, Dortmýnd, Dıýsseldorf, Frankfýrt, Gelzenkırhen, Gambýrg, Leıpsıg, Mıýnhen jáne Shtýtgart qalalaryndaǵy stadıondarda ótedi.
Aıta keteıik, 2024 jylǵy Eýropa chempıonatynyń irikteý kezeńi 2023 jyldyń naýryz aıynda bastalady. Jańa irikteý týrnırin Qazaqstan quramasy 2023 jyldyń naýryz aıynda óz alańynda Slovenııamen jáne Danııamen qarsy matchtarmen bastaıdy.
Eýro-2024 irikteý kezeńiniń oıyn kúntizbesi (Astana ýaqytymen)
23.03.2023 | 20:00
Qazaqstan – Slovenııa
26.03.2023 | 19:00
Qazaqstan – Danııa
16/17.06.2023 | 00:45
San-Marıno – Qazaqstan
19/20.06.2023 | 00:45
Sol.Irlandııa – Qazaqstan
07.09.2023 | 20:00
Qazaqstan – Fınlıandııa
10.09.2023 | 19:00
Qazaqstan – Sol.Irlandııa
14/15.10.2023 | 00:45
Danııa – Qazaqstan
17/18.10.2023 | 00:45
Fınlıandııa – Qazaqstan
17.11.2023 | 20:00
Qazaqstan – San-Marıno
20/21.11.2023 | 00:45
Slovenııa – Qazaqstan