Memleket basshysy Qasym-Jomart Toqaev Almaty oblysyna sapary aıasynda Dinmuhamed Qonaev eskertkishi janyndaǵy alleıada qalanyń qalyptasýyna úles qosqan eńbek ardagerlerimen, respýblıkaǵa, oblysqa tanymal sportshylarmen kezdesti, dep habarlaıdy Egemen.kz Prezıdenttiń baspasóz qyzmetine silteme jasap.
Qalanyń qurmetti azamaty, eńbek ardageri Aleksandr Chjen qalaǵa Qonaevtyń esimin bergeni úshin Prezıdentke alǵys aıtty.
«Ognı Alataý» gazetiniń burynǵy jýrnalısi, jazýshy Vladımır Taran Memleket basshysyna Qapshaǵaı qalasy týraly ózi jazǵan «Solnechnyı gorod. Stranısy ıstorıı» kitabyn syıǵa tartty.
Kezdesý barysynda ulttyq sportty dáripteýshi Tımýr Sypataev «Qazaq eliniń birligi, yntymaǵy osy shegedeı myqty bolsyn» degen tilekpen temirden túıin túıip, Qasym-Jomart Toqaevka tartý etti.
Prezıdent Almaty oblysynyń ortalyǵyn Qonaev qalasyna kóshirý týraly sheshimi óńirdi órkendetý úshin mańyzdy qadam bolǵanyn atap ótip, endi qala odan ári qarqyndy damıtynyna senim bildirdi.