Memleket basshysy Qasym-Jomart Toqaev Qyrǵyzstan Prezıdenti Sadyr Japarovpen jáne Eýropalyq Keńes Prezıdenti Sharl Mıshelmen birge Qyrǵyzstannyń Qazaqstandaǵy mádenıet kúnderiniń resmı ashylý sharasyna qatysty, dep habarlaıdy Egemen.kz Prezıdenttiń baspasóz qyzmetine silteme jasap.
Prezıdentter Qyrǵyzstannyń Ulttyq tarıhı murajaıynyń kolleksııasy qoıylǵan «Yqylym murasy» kórmesimen tanysty. Sodan soń qyrǵyzstandyq óner sheberleriniń konsertin tamashalady.
Konsert baǵdarlamasy aıasynda «Manas» eposynan úzindi oqylyp, halyq aqyny Toqtoǵul Satylǵanovtyń sanattary (dıdaktıkalyq óleńderi) oryndaldy. Sondaı-aq halyq jazýshysy Shyńǵys Aıtmatovtyń shyǵarmalarynan úzindiler qoıyldy.
Sonymen qatar qazaq jáne qyrǵyz halyqtarynyń baýyrlastyǵyn dáripteý maqsatynda qyrǵyz ónerpazdary Shoqan Ýálıhanov, Abaı Qunanbaev, Jambyl Jabaev, Muhtar Áýezov sııaqty tulǵalarymyzdyń beınesin somdap, eki halyqqa keń taraǵan án-kúılerdi oryndady.