Oqý-aǵartý mınıstri Ashat Aımaǵambetov Úkimet otyrysynda Qazaqstan Respýblıkasynda bilim berýdi damytýdyń 2022-2026 jyldarǵa arnalǵan tujyrymdamasyn usyndy, dep habarlaıdy Egemen.kz.
«2026 jylǵa deıin bilim berýdi damytý tujyrymdamasy ázirlendi. Tujyrymdama strategııalyq jáne baǵdarlamalyq qujattarda anyqtalǵan negizgi basymdyqtardy qarastyrady. Biz ártúrli halyqaralyq zertteýler men taldaýlardyń nátıjelerin eskere otyryp, sarapshylarmen jáne pedagogıkalyq qoǵammen talqylaýlar ótkizdik, tıisti usynystar ázirledik. Quzyretine sáıkes alty baǵyt, 109 is-shara qarastyrylǵan», dedi Ashat Aımaǵambetov.
Ol mınıstrlik bilim berý tujyrymdamasy sheńberinde kózdelgen mindetter men bastamalardy iske asyrý úshin sapaly sharalar qabyldaıtynyn atap ótti.
Sondaı-aq vedomstvo basshysy balalardyń erte damýyna baılanysty máselege pikir bildirdi.
«Bilim berýdiń mańyzdy deńgeıi - balabaqshalar. Zertteýlerge sáıkes, balabaqshalar balalardyń ıntellektýaldy, emosıonaldy, áleýmettik, psıhologııalyq damýyna áser etedi. Osyǵan baılanysty balabaqshalarda balalardy damytýdyń jańa modeli engizilýde, oqytý baǵdarlamalary men ádisteri ózgerýde. Bul mektepke deıingi tárbıe men oqytý salasyndaǵy eń úlken ózgeris dep aıtýǵa bolady. Eger buryn baǵdarlama tym akademııalyq bolsa jáne 3-4 jastaǵy balalar 20 mınýttan sabaq alsa, endi halyqaralyq tájirıbeni eskere otyryp, oqý prosesi oıyn arqyly ótedi», dep túsindirdi vedomstvo basshysy.
Mınıstrdiń aıtýynsha, balanyń tutas damýy úshin barlyq jaǵdaı qarastyrylatyn bolady.