Batys Qazaqstan oblysy aýmaǵyndaǵy barlyq saılaý ýchaskeleri Eńbek jáne halyqty áleýmettik qorǵaý mınıstrliginiń qol jetkizý kartasyna engizilgen, dep habarlaıdy Egemen.kz.
Oblystyq aýmaqtyq saılaý komıssııasynyń tóraǵasy Ǵaısa Qapaqov kezekten tys Prezıdent saılaýyn ótkizýge baılanysty komıssııalardyń daıyndyq jumystaryn aıtty.
«Qazir komıssııa músheleri oqytylyp jatyr. 6 qarashaǵa deıin qosa alǵanda 2 myńnan astam komıssııa múshesi oqytylady. OSK-da oqýdan ótken sertıfıkattalǵan trenerler lektor retinde tartyldy. Oblystyq aýmaqtyq saılaý komıssııasynyń kúntizbelik jospary jasalyp, jaýapty tulǵalar anyqtaldy. 178 saılaý ýchaskesinde «Elektrondyq úkimet» portalynda azamattardyń tirkelgen jeri boıynsha málimetterdi tekserýdiń onlaın qyzmeti ornatylady», dedi Ǵaısa Qapaqova.