Statıstıkalyq derekter boıynsha Qazaqstandaǵy avtobýs sany 82,2 myńdy quraǵan, bul 10 jyl burynǵymen salystyrǵanda 15,5%-ǵa az, dep habarlaıdy Egemen.kz «Atameken» UKP analıtıka qyzmetine silteme jasap.
Sońǵy 10 jyldaǵy avtobýs sanynyń azaıýy men halyq sanynyń ósýi turǵyndar úshin avtobýstardyń qoljetimdiligine áser etpeı qoımaıdy.
Máselen, 2012 jyly bir avtobýsqa shaqqandaǵy adam sanynyń ındeksi 173 adamdy qurasa, 2021 jyly bul kórsetkish 231 adamǵa deıin ósken. Bul kólik túriniń halyqqa qoljetimdiligi azaıǵanyn kórsetedi.
О́ńir boıynsha bul kórsetkishte «kóshbasshylar»: Túrkistan oblysynda 1 avtobýsqa - 615 adam, kelesi orynda Shymkent, onda 1 avtobýsqa 395 adam jáne Almaty oblysynda 1 avtobýsqa 395 adamnan keledi.
Al jaqsy kórsetkishter Atyraý oblysynda - 1 avtobýsqa 120 adam jáne Qostanaı oblysynda 1 avtobýsqa 122 adam.