Kaspıı teńiziniń jaǵalaýyndaǵy Baýtıno aýyly men Fort-Shevchenko qalasy aralyǵyndaǵy aýmaqta 100-den astam óli Kaspıı ıtbalyǵy tabyldy, dep habarlaıdy Egemen.kz.
Kaspıı endemıginiń jappaı qyrylǵany týraly habarlama Kaspıı ıtbalyǵyn zertteý jáne ońaltý ortalyǵyna 7 qarasha kúni saǵat 19.30-da kelip tústi. Mamandar oqıǵa ornyna bardy.
Qazir jaǵalaý syzyǵyn zertteý jalǵasýda. Oblys ákimdigi men Ekologııa, geologııa jáne tabıǵı resýrstar mınıstrliginiń Balyq sharýashylyǵy komıteti óli ıtbalyqtardy jınaý úshin qyzmetkerler men kólikter bóldi.
«8 qarashadaǵy jaı-kúı boıynsha bir-birinen shalǵaı jerlerde ornalasqan 101 óli ıtbalyqtyń óli denesi tabyldy. Itbalyqtardyń nelikten qyrylyp qalǵanyn anyqtaý úshin tin úlgileriniń zerthanalyq saraptamadan ótý múmkindigi anyqtalýda. О́ıtkeni tabylǵan janýarlardyń deneleri ydyraýǵa ushyraǵan», dep túsindirdi Kaspıı ıtbalyǵyn zertteý jáne ońaltý ortalyǵynyń dırektory Ádilhan Tovasarov.
Qazir Ortalyq mamandary balyq sharýashylyǵy komıtetimen birlesip Kaspıı teńiziniń basqa da aımaqtarynda barlaý jumystaryn júrgizip jatyr.
Zerthanalyq zertteýler úshin óli ıtbalyqtar tabylǵan jerden sý men topyraq úlgileri alynady.