Elimizdiń qurmetti sýdıasy, eńbek ardageri О́mirbek Temir atamyz óz tańdaýyn jasady, dep jazady Egemen.kz.
Ol qaladaǵy Táýke han dańǵyly boıynda ornalasqan №101 saılaý ýchaskesine kelip, jáshikke tańdaý bıýlletenin saldy.
«Men uzaq jyl sot salasynda qyzmet atqaryp, zań ústemdigin qamtamasyz ettim. Qazir qurmetti eńbek demalysyndamyn. Tań sáriden turyp, daýys berýge osynda keldim. Prezıdenttikke úmitkerlerdiń birine tańdaý bildirdim. Osy isimmen shańyraǵymdaǵy bala-shaǵa nemerelerime de úlgi kórsettim dep aıta alamyn. Qazaqstan eliniń ár azamaty saıası saýatty bolý kerek. Ári qazirgi qoǵam bizden saıası belsendilikti talap etedi. Sondyqtan barsha azamat osyndaı el taǵdyry sheshiletin naýqandarǵa qatysýy mindetti dep esepteımin», dedi О́mirbek Temiruly.
Sondaı-aq saılaý arqyly Prezıdentti tańdaý bul álemde qalyptasqan dástúr ekenin atap ótti.
«Memlekettik qurylym osyndaı demokratııalyq joldarmen qalyptasady. Sol úshin onyń mańyzdylyǵyn úlkender jaǵy jastarǵa úıretip otyrýy tıis. Qazaqstandyqtar ádiletti memleketti qalaıdy. Búgin sol armandy júzege asyrý úshin barlyǵy tegis saılaýǵa keler degen úmittemin. Buıyrtsa, elimiz jańarǵan Qazaqstanǵa aınalady. Qazir sol baǵytqa qaraı bar kúsh-jiger salynyp jatyr emes pe?! Endeshe biz de eldiń patrıoty bolyp, osyndaı bolashaq taǵdyr talqyǵa túser jaýapty sharaǵa nemquraıdylyq tanytpaýymyz kerek. Búgin el úshin ári mereke. Sonymen birge búgingi kúnde eldiń keleshegi sheshilip jatyr. Al onyń qandaı bolary ol myna siz ben bizdiń áreketimizge baılanysty.
Memlekettiń kózdegen basty maqsaty ol halyqtyń áleýmettik jaǵdaıyn jaqsartý. Elde ádil qoǵam qurylsa sol maqsatqa áli aq jetemiz. Ol úshin aıtyp ótkenimdeı halyqtyń saıası belsendiligi men saýattylyǵy qajet. Saılaý bul ózgeniń sharýasy emes, dál bizge qatysty másele. О́ıtkeni bul eldiń azamaty bizbiz, osynda turatyn da artymyzdan qalǵan urpaqtyń ómir súretin jeri de Qazaqstan. Sol sebepti árkim ózin eldiń taǵdyry úshin jaýapty tulǵa retinde sezinýi tıis. Men elimniń gúldengen, damyǵan, demokratııaly bolǵanyn qalaımyn. Osyndaı patrıottyq sezim meni búgin saılaýǵa jetelep alyp keldi. Memlekettiń bolashaǵyn qalasýǵa az da bolsa úles qosý, isińmen dáleldep kórsetý men úshin úlken baqyt. Basqalardyń da taǵdyrly sátte belsendi bolǵanyn asa qalaımyn» dedi eńbek ardageri.
Uzaq jyl sot salasynda qyzmet atqarǵan aǵamyzǵa berilgen qurmet te jeterlik. Ol Túrkistan oblysy ardager sýdıalar keńesiniń tóraǵasy, Qurmet ordeniniń, Úsh bı qurmet belgisiniń ıegeri, Qazaqstandaǵy qurmetti ardager sýdıa.