Qazaqstandyq Robert Kamınskıı Vılnıýs qalasynda 12 jasqa deıingiler arasynda ótken ekinshi sanattaǵy Tennis Europe týrnırinde chempıon atandy, dep habarlaıdy Egemen.kz.
Elimizdiń jas juldyzy fınalda Polshanyń osy jastaǵy birinshi raketkasy Iаn Paradovskıımen kezdesti.
Almaty tennıs mektebiniń túlegi qarsylasyn 6:4, 6:4 esebimen tize búktirdi. Jarys barysynda Robert birde-bir sette utylǵan joq.
Juptyq synda Robert lıtvalyq Mark Tversıımen birge fınalda tartysty básekede Belarýs ókilderi Koran – Svıtlovqa ese jiberdi. Esep – 6:1, 4:6, 5:10.
Robert Kamınskıı úshin bıylǵy jyl tabysty boldy. Ol osymen Tennis Europe serııasy boıynsha jekeleı synda úshinshi tıtýlyna qol jetkizdi. Bıylǵy maýsymda Amal Sultanbekovtiń shákirti 30 match ótkizip, sonyń 26-synda jeńiske jetti.