Kaspıı teńiziniń Ázerbaıjanǵa qarasty bóliginde ıtbalyqtardyń óleksesi tabyldy, dep habarlaıdy Egemen.kz.
Kaspıı teńiziniń Daǵystan jaǵalaýynda ıtbalyqtardyń jappaı qyrylýyna baılanysty Ázerbaıjan Respýblıkasy Ekologııa jáne tabıǵı resýrstar mınıstrliginiń qyzmetkerleri teńizde monıtorıng júrgizdi.
Bıoártúrlilikti qorǵaý qyzmetiniń basshysy Fırýddın Álıevtiń aıtýynsha, is-sharalar barysynda Hachmaz aýdanynda, Istısý aýyly mańynda, Tıkanlyoba, Seıdlı jáne Nabran aýyldarynda barlyǵy 17 ıtbalyq óleksesi tabylǵan.
«Ázerbaıjannyń azyq-túlik qaýipsizdigi agenttiginiń mamandarymen birlesip ıtbalyqtardyń qyrylý sebepterin anyqtaý úshin ólekselerden synamalar alynady. Qosymsha aqparat halyqqa jetkiziledi», dedi ol.