Eńbek jáne halyqty áleýmettik qorǵaý mınıstriniń 2022 jylǵy 30 jeltoqsandaǵy buıryǵymen qandastar men qonys aýdarýshylardy qabyldaýdyń 2023 jylǵa arnalǵan óńirlik kvotasy belgilendi, dep habarlaıdy Egemen.kz.
Atap aıtqanda:
qandastardy qabyldaýdyń 2023 jylǵa arnalǵan óńirlik kvotasy - 1925 adamdy; qonys aýdarýshylardy qabyldaýdyń 2023 jylǵa arnalǵan óńirlik kvotasy - 6727 adamdy qurady.Aıta ketsek, bıyl qandastar men qonys aýdarýshylardy qabyldaý kvotalary ulǵaıtyldy. Máselen, 2022 jyly qandastardy qabyldaýǵa arnalǵan óńirlik kvota - 1499 adam, al qonys aýdarýshylardy qabyldaýǵa arnalǵan óńirlik kvota - 6587 adam bolyp belgilendi.
Ulttyq statıstıka bıýrosynyń málimetine qaraǵanda, 2022 jyldyń 1 jeltoqsanyna Qazaqstanǵa 17 888 etnıkalyq qazaq oralyp, qandas mártebesin aldy. Al 1991 jyldan bastap respýblıkaǵa 1 mln 105,7 myń etnıkalyq qazaq oraldy.