8 qańtarda Astana - Petropavl avtojolynyń 236-shaqyrymynda 9 kóliktiń qatysýymen jol apaty boldy. Oqıǵa saldarynan qazaqstandyq kólik júrgizýshileri men sheteldik azamat zardap shekken, dep habarlaıdy Egemen.kz.
Petropavl qalasynyń 34 jastaǵy turǵyny VAZ 2109 kóliginiń júrgizýshisi jol-meteorologııalyq jaǵdaılardy eskermeı, 64 jastaǵy astanalyqtyń basqarýyndaǵy Chevrolet Cobalt avtokóligimen jáne Belarýs Respýblıkasynyń 38 jastaǵy turǵynynyń basqarýyndaǵy Volvo avtokóligimen soqtyǵysqan.
Sodan keıin taǵy 6 kólik soqtyǵysqan: Renault Sandero, Gazel, 2 Toyota Camry, Daimler Chrysler jáne Toyota Prado.
Jol apaty saldarynan «Avısenna Býrabaı» JShS-ne 19-49 jas aralyǵyndaǵy soqtyǵysqan kólikterdiń 2 júrgizýshisi men 7 jolaýshysy jetkizildi. 6 júrgizýshige qatysty QR ÁQBtK-niń 610-baby 1-bóligi boıynsha ákimshilik hattamalar jasaldy.