Premer-mınıstr Álıhan Smaıylov ArcelorMittal kompanııasynyń vıse-prezıdenti Vıdjaı Goıalmen jáne «ArselorMıttal Temirtaý» AQ bas dırektory Bıdjý Naırmen kezdesti, dep habarlaıdy Egemen.kz Úkimettiń baspasóz qyzmetine silteme jasap.
Álıhan Smaıylov Indýstrııa jáne ınfraqurylymdyq damý mınıstrligi men AMT arasynda qol qoıylǵan memorandým aıasynda qazaqstandyq tarap kásiporynǵa qarjylyq, tehnıkalyq jáne ekologııalyq aýdıt júrgizý úshin táýelsiz halyqaralyq konsýltanttardy shaqyrǵanyn atap ótti.
Sonymen qatar Premer-mınıstr «ArselorMıttal Temirtaýǵa» keshendi tekserý júrgizý kestesi jiberilgenin aıtty.
О́z kezeginde Vıdjaı Goıal barlyq tekserý sharalaryna tolyq járdem kórsetýge daıyn ekenin jetkizdi.