Hokkeıden Qazaqstan quramasy AQSh-tyń Leık-Plesıd qalasynda 2023 jylǵy Ýnıversıadada úshinshi kezdesýin ótkizdi. Qarsylasy Ulybrıtanııa quramasy boldy, dep habarlaıdy Egemen.kz.
Qazaqstan quramasy 15:1 esebimen basym túsip, týrnırdegi úshinshi jeńisine qol jetkizdi. Matchtyń esebin Batyrlan Muratov ashyp, brıtandyqtardan Semıýel Rodjers esepti teńestirdi. Qazaqstan alǵashqy úziliske deıin 5 shaıba soǵyp, alǵa shyqty. Gol avtorlary – Batyrlan Muratov (dýbl), Maksım Mýhametov, Vsevolod Logvın, Ivan Gavrılenko jáne Artem Korolev.
Qazirgi ýaqytta bul Qazaqstannyń Ýnıversıadadaǵy eń iri jeńisi. Buǵan deıin Ońtústik Koreıany (5:1) jáne Vengrııany (9:1) utqan bolatyn.
Qazaqstan kelesi oıynyn 17 qańtarda Slovakııamen ótkizse, kelesi kúni AQSh quramasymen kezdesedi.
Sonymen qatar, parallel topta Kanada, Chehııa, Japonııa, Latvııa, Shvesııa jáne Ýkraına elderi óner kórsetedi Ár toptan birinshi oryn alǵan eki komanda pleı-off kezeńine ótedi.