Vedomstvonyń alqa otyrysynda Qarjy mınıstri Erulan Jamaýbaev bıýdjet tapshylyǵyn aýyzdyqtaýdyń jolyn atady, dep habarlaıdy Egemen.kz.
«О́tken jyly biz bul kórsetkish boıynsha rekordtyq ósimge qol jetkizdik. Bıylǵy jyly mindet budan da aýqymdy, ıaǵnı kiristi 3,7 trıllıon teńgege arttyrý kózdelip otyr. Kóleńkeli ekonomıkany qysqartý, salyqtyq jáne kedendik ákimshilendirýdi jaqsartý boıynsha jumysty kúsheıtemiz», dedi Erulan Jamaýbaev.
Qarjy mınıstrliginiń basshysy «Bir tereze», «Astana1», «Elektrondyq shot-faktýralar» sııaqty aqparattyq júıelerdi qamtıtyn taýarlardy qadaǵalaýdyń ulttyq júıesi jańǵyrtylyp jatqanyn qosa aıtty.
«Halyqqa jáne bızneske yńǵaıly bolý úshin biz e-Salyq Azamat jáne e-Salyq Business mobıldi qosymshalarynyń qamtýyn keńeıtemiz. Qarjy ınstıtýttaryna elektrondy qyzmet kórsetý arqyly biz qolma-qol aqshasyz tólemderdiń qarqyndy ósýin qamtamasyz etemiz. Kedendik statıstıkalyq málimetter arasyndaǵy alshaqtyqty azaıtý boıynsha belsendi jumystar júrgizilip jatyr. Osy maqsatta negizgi saýda seriktesterimen aqparat almasý jolǵa qoıyldy», dedi Erulan Jumaýbaev.