Qys bastalǵaly beri Astanadan 2,6 mln tekshe metrden astam qar shyǵaryldy, dep habarlaıdy Egemen.kz elorda ákimdiginiń baspasóz qyzmetine silteme jasap.
26 qańtar kúni tańerteń Astanada qar tazalaý jumystaryna eki myńnan astam jol jumysshysy men myńǵa jýyq arnaıy tehnıka jumyldyryldy.
25-26 qańtarǵa qaraǵan túni Astanadan qar polıgondaryna 16 myń tekshe metrden astam qar nemese 1 274 reıs shyǵaryldy.
Qys mezgili bastalǵaly beri qaladan 2,6 mıllıon tekshe metrden astam qar shyǵaryldy, bul 212 myńnan astam aýyr júk kólemine teń.
Qala turǵyndarynyń qaýipsiz júrip-turýy jáne kóktaıǵaqty boldyrmaý úshin kóshelerge, trotýarlarǵa, joldarǵa qum-tuz qospasy sebiletinin aıta ketý kerek.