Shymkent qalasynda 2018 jyly týǵan bala basseınde sýǵa batyp ketti. Úlkender balany qaraýsyz qaldyrǵan, dep habarlaıdy Egemen.kz qalalyq Tótenshe jaǵdaılar departamentiniń baspasóz qyzmetine silteme jasap.
29 qańtar kúni saǵat 17:25-te Shymkent qalalyq Tótenshe jaǵdaılar departamentiniń basqarý bólimine jedel medısınalyq járdem qyzmetinen 2018 jyly týǵan ul balanyń balalar basseınine batyp ketkeni týraly habarlama kelip túsken.
Oqıǵa Turan aýdanyndaǵy 8-shaǵyn aýdanda Úrkimbaev kóshesiniń boıynda, KASIET fıtnes-klýbynda bolǵan. Anyqtalǵandaı, balalar basseıninde (tereńdigi 1 metr 20 santımetr, eni 5 metr) shomylý kezinde eresekterdiń qaraýynsyz qalǵan bala sýǵa batyp ketken. Oqıǵanyń mán-jaıy anyqtalyp jatyr, tıisti sot-medısınalyq saraptama taǵaıyndaldy.
«Qurmetti ata-analar! Abaı bolyńyzdar! Balalardy qaraýsyz qaldyrmańyzdar! Balalardy basseın ishinde ózderin durys ustaýǵa úıretińizder», delingen Shymkent qalalyq Tótenshe jaǵdaılar departamentiniń qoǵammen baılanys toby taratqan habarlamada.