О́tken jyly Qazaqstanda teris qorytyndylar berilip, naryqqa dárilik zattardyń 117 ataýy men medısınalyq buıymdardyń 164 ataýy jiberilmedi. Bul týraly búgin brıfıngte Densaýlyq saqtaý vıse-mınıstri Jandos Búrkitbaev aıtty, dep habarlaıdy Egemen.kz.
«Jyl saıyn Dárilik zattardy saraptaý ulttyq ortalyǵy dárilik zattarǵa 6 myńǵa jýyq saraptama jáne medısınalyq buıymdarǵa 5 myńǵa jýyq saraptama júrgizedi. Jaqynda kórshiles О́zbekstanda etılenglıkoldiń joǵary dozasy bar jáne teris saldarǵa ákep soqtyrǵan dárilik preparat boıynsha bolǵan oqıǵa olardy naryqqa jiberý kezinde memleket tarapynan qatań baqylaý qajettigin taǵy da rastaıdy», dep atap ótti vıse-mınıstr.
Ol sońǵy 4 jylda Densaýlyq saqtaý mınıstrligi tirkeýden bas tartqanyn jáne quramynda etılenglıkoldiń joǵary dozasy bar ártúrli óndirýshilerdiń 10 dárilik preparatyn naryqqa jibermegenin aıtty.
J. Búrkitbaevtyń aıtýynsha, ulttyq tirkeý talaptary EýrAzEQ talaptaryna jáne halyqaralyq normalarǵa tolyq sáıkes keltirilgen, bul qazaqstandyq naryqta dárilik zattar men medısınalyq buıymdardyń kúmándi sapada paıda bolý qaýpin is júzinde joıady.
Búginde respýblıkada 7,5 myńǵa jýyq dárilik preparat pen 11 myńnan astam medısınalyq buıym tirkelgen.
Densaýlyq saqtaý mınıstrliginiń Medısınalyq jáne farmasevtıkalyq qyzmet komıteti ótken jyly dárilik zattardyń bólshek saýda naryǵyna 2,7 myńnan astam tekserý júrgizdi, onyń qorytyndysy boıynsha 579 ákimshilik hattama jasalyp, 90 mln teńgeden astam somaǵa aıyppul salyndy.
Onyń aıtýynsha, bul rette 66,5 mln teńge somaǵa aıyppul salýmen dárilik zattardy zańsyz ótkizýdiń 588 faktisi anyqtaldy, zańsyz aınalymnan 10 mln astam dárilik zat pen medısınalyq buıym qaptamasy alyndy.
«Tirkelgen dárilik zattar men medısınalyq buıymdardy baqylaý sheńberinde olardyń sapasyna baǵalaý júrgiziledi. Osylaısha, jyl saıyn Ulttyq saraptama ortalyǵy sapany baǵalaý kezinde dárilik zattar men medısınalyq buıymdarǵa 100 myńǵa jýyq sáıkestik sertıfıkatyn, sondaı - aq 2000-ǵa jýyq teris qorytyndy beredi, bul sapany baǵalaýdyń jalpy sanynyń 0,2% -yn quraıdy», dep atap ótti J. Búrkitbaev.