18 aqpanǵa qaraǵan túni saǵat 4:55-te stansııada jelilik sý qubyrynan aqaý shyqty. «Ekibastuz jylý energo» ókilderi oqıǵaǵa qatysty túsinikteme berdi, dep habarlaıdy Egemen.kz.
Jelilik sý qubyrynyń zaqymdaný ornyn oqshaýlaý úshin kezekpen № 12, 13, 15 jumys isteıtin qazandyq agregattary, jelilik sorǵylar toqtatyldy. Zaqymdalǵan ýchaskeni kesý jumystary júrgizilip, jóndeý jumystary bastaldy.
«Stansııanyń jumysy toqtaǵan joq. № 5, 6, 9 úsh energetıkalyq qazandyq agregaty jáne energetıkalyq sorǵylar jumys istep tur. Salqyndatqyshtyń aınalymy tómendetilgen parametrlermen qamtamasyz etildi», delingen habarlamada.
«Ekibastuz jylý energo» ókilderiniń aıtýynsha, zaqymdaný orny búgin qalpyna keltiriledi. Sodan keıin toqtaǵan qazandyq agregattaryn toltyrý jáne olardy jumysqa kezeń-kezeńimen engizý júrgiziledi. Saǵat 00:00-ge deıin stansııa salqyndatqyshtyń parametrlerine 60°S-qa shyǵýdy josparlap otyr.
Aıta ketsek, jyl basynan beri Ekibastuz turǵyndary birneshe ret jylýsyz qalǵan.