Búgin aldaǵy Májilis pen máslıhattar saılaýyna qatysatyn alty saıası partııanyń ókilderi ádil saılaý ótkizý jóninde memorandýmǵa qol qoıdy. JSDP bul bastamany qoldamady, dep habarlaıdy Egemen.kz.
Qujatqa qol qoıa otyryp, partııalar tek qoldanystaǵy zańnama aıasynda áreket etýge, sondaı-aq úgit-nasıhat kezeńinde ashyq báseke júrgizýge ýaǵdalasty.
«AMANAT» partııasynyń Tóraǵasy Erlan Qoshanov memorandým – elimizde adal básekelestikke negizdelgen jańa saıası mádenıet qalyptastyrý baǵytyndaǵymańyzdy qadam ekenin atap ótti.
«Bul saılaý tartysty básekelestik jaǵdaıynda ótedi. Saıası partııalar retindebiz saılaýshylar aldynda erekshe jaýapkershilik arqalap otyrmyz. Kózqarasymyz ár túrli bolǵanymen, elimizdiń demokratııalyq jolmen damyǵanyn qalaımyz. Osyny basshylyqqa ala otyryp, «AMANAT» partııasy saılaý prosesiniń barlyq qatysýshysyna zańǵa sáıkes ashyq báseke júrgizýdi usyndy», dedi Erlan Qoshanov.
Osylaısha, saıası uıymdar bir-biriniń jáne ózge partııalardyń atynan usynylǵan kandıdattardyń ar-namysyna, qadir-qasıetine jáne iskerlik bedeline nuqsan keltiretin málimetterdi taratpaýǵa, saılaý ýchaskelerinde túrli teris qylyqtardy boldyrmaý úshin ózarajárdemdesýge, úgit-nasıhat kezinde zańnamany jáne halyqaralyq standarttardy ustanýǵakelisti.
Memorandýmǵa «AMANAT» partııasynan Erlan Qoshanov, Qazaqstan Halyq partııasynan – Ermuhamet Ertisbaev, «Qazaqstannyń «Aq jol» demokratııalyq partııasynan – Azat Perýashev, «Aýyl» halyqtyq-demokratııalyq patrıottyq partııasynan – Álı Bektaev, Qazaqstandyq «Baıtaq» jasyldar partııasynan – Azamathan Ámirtaı, «Respublica» partııasynan – Aıdarbek Qojanazarov qol qoıdy.