Túrkııadanyń ońtústik-shyǵysynda bolǵan joıqyn jer silkinisinen keıin jappaı qamaýǵa alý jumystary bastaldy. Ustalǵandardyń keıbiri maroderlik pen alaıaqtyq jasady dep kúdiktelse, endi birine qurylys jumystaryn durys júrgizbedi degen aıyp taǵylyp otyr, dep habarlaıdy Egemen.kz TRT Haber saıtyna silteme jasap.
Telearnanyń habarlaýynsha, Bas prokýratýra eldiń 11 provınsııasynda qurylys jumystaryn durys júrgizbedi degen aıyppen 564 kúdiktini anyqtaǵan. Osylaısha, olardyń 160-y qamaýǵa alynsa, 175-ine sot baqylaý ornatqan.
Budan bólek 71 kúdiktige tutqyndaý jáne taǵy 61 kúdiktige qamaýǵa alý týraly orderler berilgen. Sondaı-aq taǵy alty adamnyń shetelde ekendigi anyqtaldy. Sol sııaqty atalǵan iste kúdikti dep tanylǵan 11 adam qaıtys bolǵany belgili boldy.
Túrik polısııasy jer silkinisinen zardap shekken aýdandardaǵy urlyq, tonaý jáne alaıaqtyq faktilerin de tekserip jatyr. Atalǵan faktiler boıynsha 282 adam kúdikti retinde tanylyp, olardyń 181-i qamaýǵa alynǵan.