Almaty oblysy Talǵar aýdany Besaǵash aýylynda ornalasqan «Býrabaı» kottedj qalashyǵynda topyraq kóshkini júrdi. Tótenshe jaǵdaılar departamenti qurbandar men zardap shekkenderdiń joǵyn málimdedi, dep habarlaıdy Egemen.kz.
«25-26 aqpan aralyǵynda qar aralas jańbyr jaýyp, topyraq batpaqtanyp, nátıjesinde taý baýraıynan Baıanaýyl kóshesindegi eki jeke turǵyn úıdi laı kóshkini basyp qaldy. Topyraq úılerdiń biriniń terezesine zaqym keltirip, ishki bólmelerge kirdi. Ekinshi úıdiń qabyrǵalarynda jaryqtar paıda boldy. Qurbandar men zardap shekkender joq. Oqıǵa ornyna Tótenshe jaǵdaılar departamenti, «Qazseldenqorǵaý» MM, Jergilikti atqarýshy organdardyń qyzmetkerleri jiberildi. Oqıǵanyń naqty sebebin jáne keltirilgen zalaldy anyqtaý jónindegi komıssııa quryldy», delingen vedomstvo habarlamasynda.
Topyraq kóshkininiń vıdeosy áleýmettik jelide taraǵan. Oblystyq tótenshe jaǵdaılar departamenti oqıǵa týraly aqparat 27 aqpanda saǵat 09:50-de kelip túskenin málimdedi.