Almatyda fýtbol matchynan keıin mektep oqýshylary arasynda jappaı tóbeles boldy, dep habarlaıdy Egemen.kz.
Jelide oqýshylardyń jappaı tóbelesiniń vıdeosy tarady. Vıdeo astyndaǵy jazbada janjal Orbıta shaǵyn aýdanynda bolǵany týraly jazylǵan.
Almaty qalalyq polısııa departamentinde atalǵan oqıǵa boıynsha Bostandyq aýdandyq polısııa basqarmasy tergeý júrgizip jatqany habarlandy. «Oqıǵanyń mán-jaıyn bilý úshin tóbeleske qatysýshylar polısııa basqarmasyna jetkizildi. Olardyń áreketine quqyqtyq baǵa beriledi. Sonymen qatar istiń mán-jaıyn anyqtaý úshin mektep oqýshylary arasyndaǵy fýtbol týrnıriniń uıymdastyrýshylary polısııaǵa shaqyryldy», dep habarlady qalalyq polısııa departamentiniń baspasóz qyzmeti.