Adamdy estigeni men aıtqany qalyptastyrmaıdy, eńbegi men áreketi qalyptastyrady.
Albert Eınshteın
Eınshteın salystyrmalyq teorııasyn áriptesterinen urlap alǵany ras pa?
Joq. Albert Eınshteın ol týraly 1905 jyly Annalen der Physik jýrnalynda jarııalanǵan «Jyljymaly organdardyń elektrodınamıkasy týraly» maqalasynda jazǵan. Biraq osyǵan uqsas oılardy basqa ǵalymdar da zerttegen.
Eınshteın mektepte nashar oqyǵan ba?
Bul da shyndyqqa janaspaıdy. О́ıtkeni Eınshteın oqyǵan mektepte birinshi toqsannan keıin baǵalaý júıesi ózgeredi. Iаǵnı oqýdyń basynda joǵary ball 1 bolsa, ekinshi toqsanda 6 ball bolady. Eınshteınniń mektepte nashar oqyǵany týraly pikir onyń birinshi toqsandaǵy baǵalary men ekinshi toqsandaǵy baǵalaryna baılanysty tarap ketken. Ol basynda nashar oqyp keıin oqý úlgerimin jaqsartqan dep oılaıdy. Biraq eki baǵalaý júıesi boıynsha da onyń qorytyndy baǵalary mektepte jaqsy oqyǵanyn kórsetedi.
Ataqty fızık ıadrolyq qarýdy jasaýǵa at salysqan ba?
Buǵan Eınshteınniń ózi jaýap bergen.
«Meniń ıadrolyq qarýǵa jalǵyz jaǵdaıda ǵana qatysym bar. Men Prezıdent Rýzveltke ıadrolyq qarýdyń múmkindikterin anyqtaý úshin úlken deńgeıde eksperıment júrgizý kerek ekendigi týraly jazylǵan hatqa qol qoıdym», dep aıtqan ǵalym.
Eınshteın nobel syılyǵyna salystyrmalyq teorııasyn ashqany úshin ıe bolǵan ba?
Eınshteınge nobel syılyǵy Fotoelektrlik effek zańyn ashqany úshin berilgen.
Albert Enshteınge prezıdent bolý usynylǵan ba?
Rasymen de, 1952 jyly Izraıl Prezıdenti qaıtys bolǵannan keıin Premer-mınıstr Enshteınge prezıdenttikti usynǵan. Biraq ol bul qyzmetten bas tartqan.