Aqtaý qalalyq máslıhatynyń tóraǵasy qyzmetine Sembiǵalı Zakenov qaıta saılandy, dep habarlaıdy Egemen.kz.
30 naýryzda Aqtaý qalalyq máslıhaty 8-shaqyrylymnyń birinshi sessııasyn ótkizdi.
Aqtaý qalasy máslıhatynyń quramynda 20 depýtat bar. Sessııaǵa olardyń 18-i qatysty. Depýtattyq quramda ár sala ókili bar. Atap aıtqanda, kásipker, qurylysshy, muǵalim, dáriger, jýrnalıst, sportshy.
Sessııanyń alǵashqy otyrysynda halyq qalaýlylary qalalyq saılaý komıssııasy tóraǵasynyń qolynan depýtattyq kýálikter men tósbelgilerin aldy. Sondaı-aq otyrysta osy shaqyrylymnyń tóraǵasyn da saılady. Bul joly da depýtattar tańdaýy Sembiǵalı Zakenovke tústi. Jańa hatshy senim bildirgen áriptesterine alǵys aıtyp, birige jumys isteýge shaqyrdy.
«Depýtattyń negizgi maqsaty - bılik pen qoǵam arasyndaǵy áriptestikti nyǵaıtý. Ár túrli jaǵdaıdy basymyzdan keshemiz. О́zim eldiń bolashaǵy durys bolsa eken dep oılaımyn. Sol sebepti biz de soǵan atsalysamyz. Ár túrli alyp-qashpa áńgimege erýdiń qajeti joq. Osy áriptestikti elge bolsyn degen nıet, tilekterimizdi qabyl qylsa eken», dedi Aqtaý qalalyq máslıhatynyń hatshysy Sembiǵalı Zakenov.
Qalalyq depýttardyń eń jasy 28-de. Ol - qurylysshy, kásipker Suńǵat Qanaev. Qala qurylysyna úles qosyp júrgen jas jigit endi Aqtaý jastarynyń áleýmettik máselerin sheshýge kúsh salmaq.