Búgingi tańda Ujymdyq shart jumys berýshi men qyzmetkerdiń quqyqtary men mindetterin ǵana emes, sonymen qatar áleýmettik tólemder, jeńildikter, kótermeleýler júıesin retteıtin negizgi quraldyń biri bolyp sanalady. Oǵan qol qoıǵandardyń bári qabyldanǵan sharttardy buljytpaı oryndaýǵa mindetti, dep habarlaıdy Egemen.kz.
«ArselorMıttal Temirtaý» AQ-da Ujymdyq sharttyń árbir tarmaǵy muqııat pysyqtalady. 2022 jyly kompanııanyń Ujymdyq shartynyń jańa nusqasy qabyldandy. Onda jumyskerlerge qajetti jaǵdaılar aıtarlyqtaı jaqsartyldy. Bul jónindegi jumys bir jyl boıy júrgizildi. Osy maqsatta «ArselorMıttal Temirtaý» AQ Basqarmasy, «Jaqtaý» metallýrgter kásipodaǵy QB, «Qorǵaý» kómirshiler kásipodaǵy QB ókilderinen birlesken komıssııa quryldy. Bul rette jańa Ujymdyq shart qabyldanbaıynsha, burynǵysy kúshinde qalady degen ýaǵdalastyqqa aldyn ala qol jetkizildi. Mundaı qadam kez kelgen daý-talasty boldyrmaý úshin jasaldy.
Degenmen, «ArselorMıttal Temirtaý» AQ Ujymdyq sharty týraly áńgimeni onyń kúshi kimderge taralatynynan bastaý kerek. Olar – eń aldymen, kásipodaqqa múshe bolǵan kompanııa qyzmetkerleri. Sondaı-aq bul qatarǵa jeke ótinishi negizinde ujymdyq shartqa qosylǵan jáne kásipodaq múshelerimen teń dárejede kásipodaq jarnasyn tóleıtin qyzmetkerler kiredi. Buǵan qosa, Ujymdyq shart zeınetkerlermen jumys istemese de kompanııanyń jumys istemeıtin zeınetkerleriniń kásipodaq komıtetine múshe jumyskerlerge de qoldanylady.
«ArselorMıttal Temirtaý» AQ-nyń 2022-2024 jyldarǵa arnalǵan Ujymdyq sharty týraly aıtqanda birinshi kezekte jumyskerlerdi áleýmettik qoldaýdy kúsheıtetin ózgerister men tolyqtyrýlar engizilgenin atap ótken jón.
- Naqty aıtqanda, QR eńbek zańnamasyna qatysty ózgerister, sondaı-aq jańa jeńildikter men kepildikter engizildi. Negizgi tarmaqtardyń biri – kompanııa jumyskerleriniń jalaqysyn qańtardan bastap QR Úkimeti belgilegen ınflıasııa deńgeıine sáıkes ındeksteý. Al 2022 jyly ınflıasııa 20,3 paıyzdy quraǵany belgili. 2023 jyldyń 1 qańtarynan bastap «ArselorMıttal Temirtaý» AQ Bas dırektory Vladımır Iаblonskııdiń buıryǵymen kompanııa qyzmetkerleriniń jalaqysy da sonsha deńgeıde ósirildi, deıdi «Jaqtaý» metallýrgter kásipodaǵy QB tóraǵasy Vıktor Shetının. – Meniń oıymsha, Qazaqstanda áli esh kásiporyn jalaqyny osylaısha kótergen joq.
Jańa Ujymdyq shartta ózgergen basty jaıttyń biri – jyl qorytyndysy boıynsha óndiristik kórsetkishterdi oryndaǵany úshin birjolǵy tólem nemese 13 jalaqy dep atalatyn qaǵıda.
- Buryn 13 jalaqy (Bolat departamenti boıynsha) berik bolat jónindegi (Konverter sehy boıynsha) kórsetkishter úshin eseptelgendikten, bul týraly kóptegen túsinispeýshilik boldy. Sodan keıin biz 2022 jyldan bastap prokat sehtaryndaǵy prokat sapasy jónindegi kórsetkishti negizge aldyq, - deıdi Vıktor Shetının.
Kómir departamentine keletin bolsaq, birjolǵy tólemge birden úsh kórsetkish áser etedi: kómir óndirý, kómir konsentratyn óndirý boıynsha bıznes-jospardy oryndaý, qatardaǵy kómirdiń naqty kúliniń bekitilgen josparly deńgeıden aspaýy. Aıtpaqshy, 2022 jyly kompanııadaǵy barlyq kórsetkishke tolyq kólemde qol jetkizildi.
Ujymdyq shartta tólemder avtomatty túrde júrgiziletin tarmaqtar bar. Alaıda kompanııa ákimshiligi men kásipodaqtardyń birlesken sheshimimen nemese qyzmetkerdiń jeke ótinishi boıynsha ǵana iske asyrylatyndary da bar.
- Qyzmetkerge onyń aýyr materıaldyq jaǵdaıyna, aldaǵy operasııalarǵa, bolǵan órtterge jáne basqa jaǵdaılarǵa baılanysty materıaldyq kómek kórsetý tarmaqtary bar, - dep naqtylady Vıktor Shetının.
Sol sııaqty tıisti komıssııa paıyzsyz nesıe berý týraly ótinishterdi de qarastyrady. Ujymdyq shartqa sáıkes mundaı nesıe turǵyn úı satyp alýǵa nemese jóndeýge, emdelýge, oqýǵa beriledi. Biraq qajettilikti rastaıtyn qujattar bolýǵa tıis. 2022 jyldyń qorytyndysy boıynsha qyzmetkerlerge 175 114 000 teńge paıyzsyz nesıe berildi, onyń ishinde Bolat departamenti boıynsha – 84 325 000 teńge, Kómir departamenti boıynsha – 90 789 000 teńge. Kompanııa qyzmetkerimen onyń densaýlyq jaǵdaıy boıynsha eńbek sharty buzylǵan jaǵdaıda Ujymdyq shartqa sáıkes ótemaqy tóleý de kózdelgen.
Ujymdyq shart boıynsha «ArselorMıttal Temirtaý» kompanııasynyń 2022 jylǵy shyǵyndary 29,03 mlrd teńgeni qurady, onyń ishinde Bolat departamentinde – 12 317 049 myń teńge, Kómir departamentinde – 16 714 780 myń teńge.
Aıta keteıik, «ArselorMıttal Temirtaý» AQ Ujymdyq shartynda burynǵy jeńildikter men tólemderdi saqtaýmen qatar, onyń 2022 jylǵy jańa redaksııasynda qyzmetkerlerdiń ál-aýqatyn jaqsartýǵa, olardy yntalandyrýǵa jáne qoldaýǵa baǵyttalǵan qosymsha tarmaqtar paıda boldy.
Árıne, kompanııanyń kásipodaq uıymdarynyń ókilderi moıyndap aıtqanyndaı, talqylaý barysynda kóptegen daýlar da bolǵan.
- Biraq biz ortaq til taptyq. Bul – biz kelispeýshilik hattamalarynsyz ári memlekettik organdardyń qatysýynsyz qol qoıylǵan alǵashqy Ujymdyq shart. Bul – bizdiń ortaq eńbegimiz. Osy oraıda kompanııa basqarmasynyń danalyq pen shydamdylyq tanytqan salıqaly ustanymyn atap ótkim keledi, - deıdi Vıktor Shetının.
«ArselorMıttal Temirtaý» AQ-daǵy Ujymdyq shartty jańartý tájirıbesi kompanııa tarapynan jumyskerlerge degen adal kózqaras pen qamqorlyq baryn aıǵaqtaıdy. Búginde kompanııada jumyskerlerdi aqparattandyrý, qajet bolǵan jaǵdaıda Ujymdyq shartty túsindirý jáne eń bastysy – sharttyń barlyq tarmaqtaryn oryndaý úshin barlyq shara qoldanylyp jatyr. Kásipodaqtarda eger daýly máseleler týyndaı qalsa, olardy sheshýmen aınalysatyn komıssııa qurylǵan.
Memlekettik organdar da kompanııanyń eńbek jaǵdaılaryn jaqsartý men eńbekaqyny kóbeıtý, sondaı-aq jumyskerlerdi áleýmettik qoldaý salasyndaǵy jumysy kúsheıtilgenin aıtyp otyr. Máselen, 2021 jylǵy 11 qarashadan bastap Kelisim komıssııasy jumys isteıdi, onyń quramyna «ArselorMıttal Temirtaý» AQ, kásipodaqtar men oblys ákimdiginiń ókilderi kirgen.
Qaraǵandy oblysynyń Jumyspen qamtýdy úılestirý jáne áleýmettik baǵdarlamalar basqarmasynyń habarlaýynsha, 2021 jylǵy talaptar boıynsha ýaǵdalastyqtarǵa qol jetkizilip, jalaqy 15 paıyzǵa artty, 13-shi jalaqy tólendi jáne basqa da áleýmettik máseleler sheshildi. Kómir óndirý jospary da tómendetildi.
2022 jylǵy qarashada Lenın atyndaǵy shahtada bolǵan qaıǵyly oqıǵadan keıin Kómir departamentiniń eńbek ujymdary qosymsha talaptar qoıdy. Barlyǵy 18 talap qoıyldy, onyń 3-i – ortalyq memlekettik organdardyń qaraýynda, 12-si oryndaldy, 3-i oryndalý ústinde. Kelisim komıssııasy jumysynyń nátıjesi boıynsha mynadaı sheshimder qabyldandy: 2023 jylǵy 1 qańtardan bastap Ujymdyq shartqa sáıkes jalaqyny ınflıasııa deńgeıine sáıkes ındeksteý júrgiziledi. 2022 jylǵy 16 jeltoqsanǵa deıin «ArselorMıttal Temirtaý» AQ barlyq jumyskerine 100 paıyz mólsherinde 13-shi jalaqyny tóledi.
Qaraǵandy oblysynyń Eńbek ınspeksııasy basqarmasy búgingi tańda «ArselorMıttal Temirtaý» AQ-nyń Ujymdyq sharty barlyq múddeli taraptardyń usynystary eskerilgen, ári barynsha áleýmettik baǵdarlanǵan sharttardyń biri ekenin atap ótti.