Taldyqorǵan qalalyq bilim bólimi bas esepshisiniń úıinen 1 mıllıard teńge, sondaı-aq qymbat múliktiń qujattary tabyldy, dep habarlaıdy Egemen.kz.
Qomaqty qarjy men qymbat múlikterdi zańsyz jolmen ıelengen 48 jastaǵy áıel shetelge qashyp ketpekshi bolǵan. Biraq tártip saqshylary ony ustap úlgerdi.
Úıin tintý kezinde 942 mln 902 myń teńgeden asa qarajat tárkilendi.
Bas esepshi urlaǵan aqshanyń basym bóligin sheteldik valıýtaǵa aıyrbastap qoıǵan. Budan bólek, 14 páter, 7 kommersııalyq nysan men «land cruiser 200» markaly kóliktiń qujattary tabyldy. Zergerlik buıymdar da shyqty. Qazir 1 mlrd 200 mln teńgege baǵalanǵan dúnıe-múlikke ýaqytsha shekteý qoıyldy.
Bas esepshimen birge onyń orynbasary jáne birneshe qyzmetker qamaýǵa alyndy. Olar birneshe jyldan beri bilim salasynda jumys istemeıtin adamdarǵa aqsha aýdaryp júrgen. О́tken jyldyń ózinde mektepter arqyly bıýdjettiń 750 mln teńgesin qaltaǵa basqan.
Qazir sotqa deıingi tergeý amaldary bastaldy.