Áleýmettik jelide teńiz jaǵasynda júzip júrgen qoltyraýynnyń vıdeosy tarady. Kópshilik ony Kaspıı teńizi jaǵalaýynda túsirilgen dep topshylady, dep habarlaıdy Egemen.kz óńirdiń qoǵamdyq kommýnıkasııalar ortalyǵyna silteme jasap.
Mańǵystaý oblystyq orman sharýashylyǵy jáne janýarlar dúnıesi aýmaqtyq ınspeksııasynyń basshysy Ǵabbas Dosatov bul aqparattyń jalǵan ekenin aıtty.
«Vıdeo Kaspıı teńizinde túsirilgen bolýy múmkin emes. О́ıtkeni qoltyraýyn tushy sýda ómir súredi. Ol sondaı-aq aýa raıy jyly bolatyn Afrıka sııaqty tropıkalyq jáne sýbtropıkalyq aımaqtardy mekendeıdi. Qoltyraýyndar bizdiń klımatqa beıimdele almaıdy. Sondyqtan vıdeony muqııat taldaǵannan keıin aqparattyń jalǵan ekenine kóz jetkizdik», dedi Ǵ. Dosatov.