Saltanatty is-sharaǵa Almaty qalasynyń ákimi Erbolat Dosaev qatysty, dep habarlaıdy Egemen.kz qala ákimdiginiń baspasóz qyzmetine silteme jasap.
Konsert «JasStars» toby men QR Memlekettik eńbek sińirgen «Saltanat» bı ansambli oryndaǵan «Qazaqstan - dostyq besigi» vokaldyq-bı kompozısııasymen ashyldy, kórermender úshin qazaqstandyq jáne sheteldik ártister óner kórsetti.
О́z kompozısııalaryn halyqaralyq baıqaýlardyń laýreattary Zarına Hasanshına, О́zbekstan, Qaraqalpaqstan, Bashqurtstan halyq ártisi Jeńisbek Pııazov jáne Belarýs Respýblıkasynyń eńbek sińirgen ártisi Janet Býterýs oryndady. Sahnada káris, kavkaz, túrik, uıǵyr, polıak jáne basqa da ulttyq bıler oryndaldy.
Abaı alańynda Qazaqstan halyqtarynyń taǵam festıvali ótti, onda 15 meıramhana qazaq, káris, grýzın, orys, uıǵyr jáne úndiniń ulttyq taǵamdaryn usyndy.
Merekelik is-sharalar Jibek Joly, Panfılov kóshelerinde jáne Ǵylym Akademııasy ǵımaratynyń aldyndaǵy Sh.Ýálıhanov atyndaǵy skverde «Almaty Áýenderi» ártisteri men «Alataý» dástúrli óner teatrynyń, Qazaqstan halqy Assambleıasynyń, mýzykalyq toptardyń qatysýymen ótti.
Merekelik baǵdarlama Abaı alańynda «Dostyq áni» konsertimen jalǵasady. Sahnada Aıqyn Tólepbergen, Qanay, Áıgerim Qalaýbaeva, Artýr Davletıarov, Ayree jáne KeshYou toby óner kórsetedi. Merekelik konsert saǵat 22:00-ge deıin bolady.
Aıta keteıik, merekelik konsertter qalanyń barlyq aýdanynda uıymdastyrylǵan.